D1

FJÁRFESTU Í HEILSUNNI Í SUMAR
DETOX/WELLNESS MEÐFERÐIR HEFJAST 12 JÚNÍ Á HILTON REYKJAVÍK NORDICA HÓTELI
Ég er gríðarlega spenntur yfir að geta boðið þessa dvöl á Íslandi í frábæru samstarfi við Hilton Reykjavík Nordica hótel. Hótelið liggur nálægt laugardalnum sem býður upp á yndislegt umhverfi og gönguleiðir og hótelið sjálft er í heimsklassa með frábært andrúmsloft og mjög ríkulega útbúið spa og heilsurækt.

ALLT INNIFALIÐ – HEILDSTÆÐ HEILSUMEÐFERÐ Á FRÁBÆRU VERÐI
Dvölin er 14 dagar og innifalið er hótelgistingin, allur matur, aðgangur að tebar, gönguferðir, leikfimitímar, Sauna, blautgufur, heitir pottar með axlanuddi, útipottur, kaldur pottur, viðtöl, líkamsmælingar, fræðsla og stuðningur.
Ég mun taka á móti ykkur og verð til staðar allan tímann. Ég mun aðstoða ykkur varðandi mataræðið og hreyfinguna og veita ykkur ráðgjöf og stuðning í gegnum allt ferlið.

Verð: 190,000.- kr – Allt innifalið


MÍN UPPLIFUN AF DETOX/WELLNESS

Ég hef stundað einkajálfun og næringarráðgjöf í yfir 26 ár og hef prófað nánast allt það sem líkamsrækt og mataræði hefur upp á að bjóða. Ég fór fyrst í Detox fyrir 10 árum síðan vegna þess að ég lenti á vegg. Orkulega séð má segja að ég hafi verið búinn á því og ég náði ekki upp orku né krafti né bara hreinlega lífsgleðinni sem ég hef alltaf getað gengið að vísri. Ég sé það núna að ég var í “burn out-i” og sama hvað ég gerði í mat og hreyfingu þá náði ég ekki að koma mér á þann stað sem ég vildi vera. Ég var í fyrsta sinn ekki í formi ,hvorki andlega né líkamlega.

Ég ákvað að prófa nýja leið og fór í mína fyrstu (af mörgum) Detox meðferð sem varði í 14 daga. Það er erfitt að lýsa því sem gerist án þess að hljóma eins og einhvers konar sölu klisja en ég upplifði ótrúlegar breytingar á mér, þær mestu sem ég hef nokkurn tíma upplifað. Bara með því að sofa meira, hvíla mig meira og borða og drekka þann mat sem var í boði fann ég hvernig orkan kom aftur til mín og þrátt fyrir að vera að borða mjög lítið magn (kaloríulega séð) af mat fann ég hvernig maturinn endurnýjaði mig á ótrúlegan hátt og ég fann nánast dagamun á mér orkulega séð. Ég sem nennti ekki í göngutúrana fyrstu dagana var farinn að hlaupa síðustu dagana, enda rúmlega 10 kg léttari og með endurnýjaðan kraft og fókus sem aldrei fyrr.

Ég veit að langflestir upplifa þetta nákvæmlega eins og ég og ég veit að margir eru á þeim stað sem ég var á þegar ég fór í mitt fyrsta detox svo það er með gleði í hjarta að ég býð þig velkomin/n með mér í þessa detox/wellness meðferð því ég veit það á eigin skinni hvað þessir dagar geta gert og vona að þú takir skrefið með mér í að stórbæta heilsuna, bæði þá andlegu og líkamlegu. Þetta er mín upplifun af meðferðinni en hérna eru praktístu hlutirnir.

HÓTELIÐ/GISTINGIN – Hilton Reykjavík Nordica hótel
Hilton hótel er staðsett við Suðurlandsbrautina, rétt fyrir ofan Laugardalinn. Hilton er einfaldlega glæsilegasta hótel landsins og er í algerum sérklassa. Gestir meðferðarinnar fá rúmgóð tveggja manna herbergi sem eru fyrir einn eða tvo gesti. Hægt er að fá heilt stórt rúm eða tvö rúm ef fólk er að koma saman í meðferðina. Hilton hótelin eru þekkt fyrir frábæra aðstöðu og einstaklega góð rúm svo við lofum afar ánægjulegri dvöl.
https://www.hilton.is/is/herbergi

HÓTELIÐ/SPA OG LÍKAMSRÆKTIN – Hilton Reykjavík Spa
Hilton Reykjavik Spa er fyrsta flokks heilsurækt á Hilton Reykjavík Nordica og býður upp á allt það besta sem völ er á þegar kemur að líkams- og heilsurækt. Andrúmsloftið er rólegt og þægilegt og aðstaðan og umhverfið hið glæsilegasta. Heilsuræktin er innifalin í meðferðinni og við verðum með fasta dagskrá alla daga. Hafið þó í huga að hver velur sér þá dagskrárliði sem henta og þetta það er fyrst og fremst slökun og vellíðan sem við erum að sækjast eftir. Það sem í boði er:
– Snyrtistofa og nudd – Sérvaldar meðferðir verða í boði fyrir okkur á frábærum verðum
– Sauna – Sauna þerapíur öll kvöld með gufuþjóni (mögnuð upplifinu)
– Kaldur pottur – fullkominn eftir saunu-þerapíuna
– Útipottur – heitur
– Frábær sólbaðsaðstaða – Ef það skyldi viðra vel á okkur í sumar 🙂
– Innipottar – Nuddarar nudda axlirnar á gestum
– Blautgufa
– Flotlaug – Við bjóðum upp á daglega tíma í floti
– Leikfimisalir – Fastir tímar með hugleiðslu, styrkjandi æfingum og rúllum
https://www.hilton.is/is/hilton-reykjavik-spa

HÓTELIÐ/MATARÆÐIÐ – Vox restaurant
Við borðum þrisvar á dag á hinum einstaklega fallega stað Hilton Vox. Það er bara miklu skemmtilegra að borða fallega borinn fram mat í fallegu umhverfi. Það er hægt að fara tvær leiðir í mataræðinu.
DETOX MATARÆÐI – Er 500-600 kaloríur og uppistaðan er grænmeti og vissir ávextir. Hrátt grænmeti og soðið, súpur og seyði ásamt hræringum eru uppistaðan. Mataræðið er mjög hreinsandi og gefur stórkostlegan árangur.
WELLNESS MATARÆÐI – Er 1000-1200 kaloríur og er uppistaðan grænmeti, báði hrátt og eldað ásamt völdum ávöxtum, söfum, súpum og hræringum. Wellness mataræðið inniheldur einnig hollar olíur ásamt litlum skömmtum af hreinum próteingjöfum eins og kjöt og fisk.  Frábær leið að fara fyrir hámarks hollustu.
Ég þekki mataræðið mjög vel og get ráðlagt hverjum og einum hvaða leið myndi henta og auðvitað er hægt að breyta um leið ef eitthvað hentar ekki. Morgunverður er klukkan 9:00, hádegisverður klukkan 13:30 og kvöldverður klukkan 17:30. Á milli er alltaf hægt að drekka te eða heita grænmetissúpu ef með þarf.

MEÐFERÐIN:
Það er mikilvægt að hver og einn fái út úr meðferðinni það sem hann/hún sækist eftir. Við byrjum á fyrsta degi á kynningu á því sem er í boði og síðan eru það einstaklingsviðtöl sem taka við. Þar fær hver og einn ráðleggingar miðað við markmiðin svo hámarksárangur náist. Það eru þrír stórir faktorar í meðferðinni. Það er hvíldin/slökunin, mataræðið og hreyfingin/göngutúrar/öndunin. Meðferðin er sett upp með áherslu á þessa hluti en síðan sníðum við þetta að hverjum og einum. Það sem þú getur átt von á er þetta:
BLÓÐÞRÝSTINGUR: Mun nánast örugglega lækka. Hægt að er að mæla blóðþrýsting daglega til að fylgjast með. Mikil áhersla er lögð á öndun, hugleiðslu og slökun sem oft er erfitt að ná í hefðbundnu umhverfi. Meðferðin mun gera kollinn skýrari, þú verður einbeittari og rólegri í hugsun.
BLÓÐSYKUR: Mun örugglega lækka, meðferðin er frábært tól til að vinna gegn háum blóðsykri. Lækkun á blóðsykri hefur afar jákvæð áhrif á hluti sem margir eru að glíma við eins og matarfíkn, sykurlöngun og græðgi. Eftir 14 daga muntu vera í frábæru jafnvægi sem gerir það mun auðveldara að gera jákvæðar og hollar breytingar á mataræðinu í framhaldinu.
ÞYNGD: Flestir missa um 5-10 kg á 14 dögum. Þetta er blanda af vökva og fitu en það sem er svo stórkostlegt og hvetjandi er að sjá vigtina fara svona ört niður. Margir eru að glíma við vatnssöfnun og bjúg og mataræðið, hvíldin og sauna tímarnir gera kraftaverk þegar þetta er gert saman.
ANDLEGA HLIÐIN:
Öll meðferðin er í raun andleg. Það fer enginn í svona meðferð barasta bara heldur eru þar ástæður að baki sem fók vill fá bót á. Kulnun, áföll, streita, álag, stress og vanlíðan eru algengar tilfinningar sem við höfum öll upplifað. Stundum í meiri mæli en okkur finnst við ráða við. Þetta eru ástæðurnar fyrir því að ég fór í mína fyrstu meðferð og mun leggja ríka áherslu á að vinna með. Ég fann það á eigin skinni hversu ótrúleg breytingin getur orðið á þessum tíma og er sannfærður um að ALLIR geta upplifað slíkt hið sama.

ALLAR SPURNINGAR OG PANTANIR:
Ef þú þarft meiri upplýsingar eða vilt panta pláss þá endilega sendu mér póst á gunni@habs.is eða hringið
í síma 774 7777

Hlakka til að taka á heilsunni með ykkur 🙂
Kveðja
Gunni